Saturday, April 1, 2017

Yashar Ahad Saremi

___________
Turna Hanım By Xuxanov
_____________یاشار احد صارمی
سماحی لر

آهوم هوماهوم هو

حضرتی شاهین آوازی دورنا دِرلر بیر قوشدادیر
پیرسلطان

1

گوزنون اُو دیبنده کی جیقّلی قوش یاواش اوخوریا
گوگلریم اَسر یا
کوک لریم قوکلاریا  یاغیشین گیزلی یاواشینی
تبریز گوورچینی گوزلریم منیم
دَلی دیلین دیلیمده
ابیلی گوله ر
اجیلی چالار

2

چیسه لی یَن یاش دومانلی دولاشدیران زولفو سیاهی یول دورنام
کباب لی چای لی سرخوش یول
آغاجلی تاجلی هله هله
دنیزدن داغدان دیلیمدن باغدان یاواش یول
توران یولی دورنام
قانادلی یول


3


بعضا بو کپنک لر دلی دلی بو گول ایسی وره ن دیلیمده
بعضا ابیلی گوله گوله یوخولو یوخولو بو تیتره ین دیلیمده
بعضا اجیلی اوینایا اوینایا بو ایچمیش دوشن دیلیمده
بعضا باشماق لارین  بارماقلارین بعضا قیزیل شیرین بالیق لار...
ه
دورنالی دیلین  اوره گیمدن گئچیر دورنام
بو آهوولی دیل


4

بو قول چاقین سسی نه گوزه ل
نه گوزه ل هله اوینور
نه گوزه ل گولور
ایچی اولدوزلارلا دولو گئجه ایله آی لا
یانان گوزلری یاندیران دورنام
شیطان یاواش لی سویشمه سی
اجیلی سی وار هئش دانیشماز
ابیلی سی هئش باخماز
بو قول چاق نه ایستی ایستی اوپور منی



5



قولومدآ کی ساعات قیرمیزی آی
دووآرداکی ساعات قیرمیزی یوخو
شهرده کی ساعات قیرمیزی گئجه
آغاجلار سرخوش اولدوزلار سرخوش
 سسینده کی ساعات قیرمیزی دورنام
ه_ دوورنام دوورنام دوورنام دور
آهووم آهووم آهوو م آه

 ابیلی کمان کمان
اجیلی قاوال قاوال





6


یاواش قانادین کولگه سی ایندی هاوامدا و سن بلکی
یاواش قانادین سسی ایندی بارماق لاریمدا و سن بلکی
یازیمداسین یاغیشیمداسین دیلیمده سین اولومومده سن بلکی
بو اوچان کوینگ لر
سین بو دولانان بورکلر
بو یوموشاق تنلی یورقان آلتیندا شهرِ تبریز
و من ایندی آینادا چیراقلار
آینادا آلتون و قیرمیزی بو جیب ساعات لاری دوورنام
یاواش قانادین یوقوسی ایندی بورامدا و سن بلکی
ابیلی بئله
اجیلی اِئله




7

منده دورناییم دورنام
منده سن اسن یِلیم قوش لارلا دولو یاغیش لارلا
اُو اُود یوزلو اون ایکی اللی سرخوش سس

من آینانین یاواشیام دورنام
بو آینانین
سن منی چالان اویناما هاواسی

منیم ده گویلریم دلی دیر ساچلاریندا گئجه لی کپنک لراوچارلار دلی دلی
دلی کپنگ لریم اتگ لرینده یومورتا ساریسی موسیقی گزر گله ر قولاغیمدا گوزلرین
وهاردان بیله یدیم تبریزین بو یوخولارینی
بو منیم اجیلیم
بو سنین ابیلی



8  

یوخومدا اوزون یاغیش گئجه لی بیر ائو گوردوم اُوزومو بیر پنجرنین یاریم آچی سیندان
و 7 گوزلو آهو ایچیمده
سن اوردآیدین دورنام
قانیمدا سسین
اود یوزلو جان قیرمیزی سی
بو دورنام
بو
...
سن اُوردایدین
یاغیش گئجه لی زعفران آغاج لار لا گیلانار لارلا دلی دورنام
کیم ایندی اِشیدیر بونو
ابیلی قوپوز
اجیلی قاوآل



 9

 تان هاوآندا یاغیش آهولار
سسلی گوزلو آهولار
دورنام دور بورامدا
باخ گوزلریمه
تان هاوآندا گونش
گوربوز قیرمیزی

توزا توزا
سپه سپه !
ه


10 



هاوانین دالقاسیندآ قیرمیزی سسین دورنام
آلتی قاپینین آچیلماسی
ساچا ساچا
ویازی لارین تا اُ آی داغینین باشیندآ
سنین دالقالی باخیشین

یِرین دورنا محله سی
یِِرین زورنا بوغازی

ابیلی نن نی نن نی
اجیلی نن نی نن نی


___________