ALI REZA SEYFEDDINI

________

عليرضا سيف‌ الدينی

_______________

سن سیزلیق منی من سیزقویدی

گمی له باشلیرام بویازینی گمی له قورتاراجاغام
دودوک لی چم ایچینده قالان خیالت کیمی بیرآغ گمی
ایندی منه نه ده ده قالیب نه دایی نه عمی
خالا لاروعمه لرده بیر بیر او دمیرچمین آرخاسینا یئرله شیب لر
سن ده بیر آسقیرماق کیمی گلمه میش دوندون
ایندی بواتاقداکی دوردوغومون یئرلرده درین درین قویولاروار
بو آنامین بوآتامین بو عمی میم بودایی مین ...م
بو دا سن گئدن گوندن بری آچیلان قویی
یادیمدان چیخمامیش دئییم دووارلارا یاییلان عطریندن
هن سحردن آخشاما بورنومی سورتوره م دووارلارا
گوزلردن قاچینمیرام
بیلیره م آرتیق بودونیا ایکیه بولونوب
بیرطرفده دئشن لر بیرطرفده اوخشایان لار دوروب
آمما اینانیرام کی بیراوخشایان دئشه ده بیلر
گمی نین اؤزو اولماسادا گئتمه سی
دودوک سسی
اوزاقلاشما هلهله سی
دئشیر قالان عومرومی
ودئشدیقجا بوگئدن گمی نین یوکی آغیرلاشیر
من دوردوغوم یئرده گئدیره م اؤزومدن
سن دن
وباشقالاریندان
ائله بیرمن من سیز قالمیشام
منی اسکی ده اوخشایان لار
ایندی دئشیرلرآرتیق
اؤزوموگیزله دنمیره م
دونیادا هرنه دئشن وار ائشیب آختارایب تاپیرمنی
دالقالاری دئشن بیرگمی کیمی
آنا کیمی آتا کیمی عمی کیمی

__________

__________