Saturday, December 1, 2001

HƏKİM SEYYİD ƏBÜLQASIM NƏBATİ

________________



حکیم ابوالقاسم نباتی



بیله مستم بیلمرم کی می ندیر مینا ندیر
گول ندیر بولبول ندیر سونبول ندیر صحرا ندیر

اود توتوب جانیم سراسر یاندی اما بیلمدیم
دل ندیر دلبر ندیر باشیمدا بو سئودا ندیر

بیلمدیم عؤمرومده هرگز کفرو ایمان هانسی دور
احمد و محمود کیمدیر عیسی و موسی ندیر

شاهباز اوج وحدت واحد و حی و قدیم
خالق ارض و سما اُول فرد بی همتا ندیر

صدر ایوان جلالت شمع بزم کاینات
آفتاب عرش عزت لافتی الا ندیر

ترّهاتی قوی کناره رقصه گل دیوانه وار
گل خرابات ایچره گؤر بو شور و بو غوغا ندیر

دُردی صافی گوزلمک وقتی دگیل ساقی آمان
شیشه ویر پیمانه ویر ساغر ندیر صهبا ندیر

دور گؤزون قوربانیام مستانه گل ریندانه وئر
چوخ دئمه جمشیددن اسکندر و دارا ندیر

لوحش الله کیمدو بیلمم عشق دیوانین یازان
عاشق و معشوق کیمدور وامق و عذرا ندیر

شاهد خلوت نشینیم ائتدی روخسارین عیان
عاشق دیوانه گل گؤر ظاهر و اخفاء ندیر

یئتدی عؤمرون آخیرا سن بیرنباتی بیلمدون
کیمدو گؤزدن اُو باخان یا دیلده بو گویا ندیر

_________________

No comments: