Sunday, March 1, 1992

Yashar Ahad Saremi

____________



یاشار احد صارمی
____________

سماحی لر

ابیلی لی اجیلی لی دانیشما



1.
ابیلیم آرار
اجیلیم سُورار
منه اوندان اِله دیگین کی لاله لریم باهار سان سین لار ایندینی
دورنالار قوناق لیقی
آهوم ایندینی

2.
هاوآنین هاواسی اوچمداسی هاوادا سسی
هاوانین قانی هاوانین چیگنی هاوانین قولاغی
هاوانین قیزار دادی
قِی نه ین سسی
هاوانین یورقون آرقین یاتماسی
دیشلرینین قورجوتماسی جانیم
یارالی هاوام یارالیم
هاوآلی هاوام مارالیم

3.
نانای یوزلوم آی سماسینین نای نای نایی
قارا ایپک ایچینده قارا زمزمیم
باشیمی دولاندیران دولانان دلی
دیل ایچنده دیل
جان ایچینده جان
ابیلی هلای ی ی
اجیلی هلای ی ی


4.
دوداق لاریمدا ایلدیرملاریم وار
هاوامدا توپ توفنگ
قارآ قورقولو قیرمیز گوزلو گئجه ییم ایندی
قاپینی آچماسان شاخاریم
اَبیلین یانار
اَجیلین دونر


5.
بو ماوی ماوی ایشیل ایشیل قوشلار
بو گول لر
بو سانکی بیر حرفین یاواشجا تیکراری
هپ یاواش تیکراری
بو قانادلی اوخویان آهولار
بو آینا
بو ماوی ماوی ایشیل ایشیل قوشلار
بو هاوا سنین هاوان دیر


6.
ابیل خان خاندی خاندی
اجیل خان قوش قوآندی
ای ی ی ی قیرمیز قیرمیزی سی
دلیم
قار چیچگی شلطه لیم
ای ی ی ی سن اسن دادلی قیماقلی یِِئل
تبریز اوسته یانان بورام
دلیم
آینالیم
قاوآل هاوالی
قاقیل دیان ایپگی م



7.
اُو قوش یاغیشلار اُو یاغیش گوزلر
اُو ایندی بولوت لار اُو بولوت آدام لار
اوُ گیت باشماق لار اُو باشماق گونلر
آمان اوچما دور
اُو قاناد بویالار اُو بویا یوخولار
ابیلی آی آمان
اجیلی وای آمان

8.
بو چیس اوزای دلیک لرینده
ایشیق
سنین تنین
و هاوادا کونول لر
قاران لیغا یاغیر یاغیشیم
آیین ایزینه
بو قارا یوخودا آغلاماق
بو سوزلرده یاش کیرپیگ لر
سس بوغازیمدا یاواش
...



9.
سن بو دگیل سین
سن بونون بو فیشقیرآن بوغازیمدا بو سس سین دینمه
بو
تنین دن سنی ایچیم گلمیشدیم دینمه
کوینگیندن سنی دینمه
بو بوغاز منیم دی دینمه
بو بوغاز دان یاواشجا آآآه آخان الیمده دینمه
من
بویام
بو ایتی وورقون کَسَر آجیماسیز یورقونون دلی دلیم
ایندی باشسیز دوردا سرخوش تیترت تانرینین گویومونو
سن بونون بو جالانان بوغازیندا دینمه قیرمیزی سی
سن آرتیق بیر یوق وارسین
بیر جیمجیلاق آی قیزی
بیر یاغیشین یاغیشلی یوزو
بورامدآ
بو ندآ


10.
یاشیل کوینگیم سین
ساز چالان یاشیل
دونوب بئله باخان یاشیل
یاشیل کوینگیمین گونلو
یاشیل کوینگیمین اُزآن هاواسی !ه
ایندی اگنیم ده سین ایچینده من اوینارکن
پَه آتانا سنی
په سنی!
ه
________

Erik Satie - Gnossienne no. 1

__

No comments:

There was an error in this gadget