ALI REZA SEYFEDDINI
_________________
علیرضا سیف الدینی
ایسلاق بیر رسیم
یورقون جانیمی پنجره نین تینینه اوتورتموشام سن یوخسان
باخیرام گئجه یه اولدوزلارا اوزاقدا قالمیش شه هریمه
الیمده بیرقدح وار ایچی دولو شراب
بورالاردا هاوالار سویوقدو
باخیرام آمما باخمیرام
بوردا یانی خیالیمدا رسیم لرکئچیر
اؤزومو قاری کورپوسونده گؤرورم:
سنله یاغیشدا اوردان کئچیریک
سن آزجا اویاندان کئچیرسن
من سنه باخمیرام
سن اوتانیرسان
هله ایل مین اوچ یوز آلتمیش لاردی
هله سئومکده اوتانماقلار وار
اوتانماقدا قورخولار وچکینمک لر
اوزاقدان گلیب کئچمک لر وار
اوزاقدان باخماقلار
اوزاقدان داریخماقلار
اوزاقدان ...آه اوزاقلاردا قالمیش قانی قاچمیش اللروار
آه ه ه عشق همیشه اوزاقلاردا یاناردی اولدوزکیمی منیم او شه هریم کیمی
بیز کول اولاردیق آمما یئنه ده سئومک دوام ائدردی
ایندی پنجره نین تینینده اوتورتموشام بو پالتارا بنزه ین یورقون جانیمی سن یوخسان
بوردا
گئجه هرگئجه ایسلاقدی
اولدوزلاردا
خیالیمداکی سنین رسیم لرینده
_______________
No comments:
Post a Comment